Muloh shift pendek luwot

Mak ti khasa duaga enom bulan muneh masa kontrak kekhja ku, selama 6 bulan ji angkah seminggu nyak kena shift pendek (07.00-15.30) sewaktu haga ngepasko waktu libur buka sai liwat sa, sisani shift panjang tekhus (07.00-19.00), mabuya muneh sih, kidang lumayan dapok nyegok ko duit kipak cutik, khencana pakai kak mulang mit lampung kanah, uleh di tangerang ji khadu nyelahok jama sistem kerja kontrak, bangik ki mudah nyepok kekhjaan luwot.

Khani ji (kemis, 25 nov 2010) nyak ku ngena kabakh jak Lati ni Alvi liwat SMS, ani jemoh nyak ku di kayun ko Foreman (ka-bag) kukhuk jam 3 dibi, Mengapi ?.. Aku di lom hati. Padehal order lagi lamon.

Mak pampan jama sms jeno, ya kubell Fatoni (leader), untung nomor HP ni lagi wat di kartu simpatiku, Saka nyak nungguni uleh mak nyambung, ya ku cuba luwot. Mak saka jak seno bebai sai ngejawab, bang kikhani jak costumer service, kheji ani:

Nomor yang anda tuju tidak aktif, mohon periksa kembali nomor tujuan anda.

Na khadu mak ti pakaini lagi muneh nomor sinji, ya langsung ku hapus.

Jak seno ku sms khek ku, haga ngilu kekikhiman nomor baru ni leader. ti tunggu tuggu mak muneh hak ngedok balasan, ti kekoh nyak ti dugok, na laju kepedoman.

Kekikha ni jam 5 dibi nyak minjak uleh khibut suakhani mak ni Alvi ngayun ko alvi mandi, kidang mak juga ki alvi minjak jak mejong ni, pagun sanemon ya micit ko stick ni PS, ma pingol do sanak sinji.

Kadu mak saka jak seno HP bunyi, ku liak angkah luwah nomor ni gawoh kung hak ngedok gelakh, ya kuangkat bang ki jak Fatoni (leader), ya angkah masti kon, ki nyak temon do kukhuk jam 3 dibi alias shift pendek.
Na payuu ki kheno, haga ti khepa kon lagi.